Aviso: Venres 2 de maio, día non lectivo

Queremos recordarvos que este venres 2 de maio é un dos días non lectivos deste centro, polo que non haberá clase.

Iso sumado a que o 1 de maio é festivo implica que non teremos clase ata o luns 5 de maio.

Que disfrutedes destes días!!

(calendario elaborado por http://actividadesinfantil.com/)

Cumples desta semana: Antía

Esta semana tan só celebramos un aniversario. Nesta ocasión foi na clase das xirafas, onde Antía celebrou os seus 6 anos. Convidounos a un biscoito moi rico e moi bonito, ata tiña unha princesa e todo!! Moitas grazas e moi feliz cumple, Antía!!

ANTÍA

UN DÍA NORMAL

Habitualmente amosámosvos neste blogue actividades que realizamos nun día especial ou diferente ao resto.

Pero hoxe decidimos facer o contrario: queremos que vexades cómo é un día normal e corrente nas nosas clases. Así que un xoves calquera fotografiamos diferentes momentos da mañá en cada unha das aulas e fixemos pequenos vídeos que recollen algúns anaquiños da nosa rutina escolar.

Sempre comezamos a mañá facendo a asemblea. Así que atoparedes, na presentación que deixamos a continuación, fotos e vídeos de diferentes momentos desta actividade. Empezamos na clase dos caracois pasando lista. A continuación veredes a clase das xirafas escribindo "a palabra máxica" e, despois, a clase das tartarugas poñendo a data.

Avanza a mañá e chega a hora do traballo na mesa. Voltamos de novo á clase dos caracois para velos recortar un marcapáxinas. Na clase das xirafas están aprendendo a facer un encrucillado. E na clase das tartarugas fan unha copia sobre o proxecto no que estamos a traballar.

Como o noso "día normal" era xoves, tanto xirafas como tartarugas tiñan clase de psicomotricidade. Así que poderedes ver a estas dúas clases disfrutando dalgúns dos seus xogos favoritos ("pato-pato-oca", "veneno", "oso goloso"), aprendendo a atar os amallós ou facendo ioga para relaxarse.

Para rematar a mañá, despedímonos na clase dos caracois e vemos cómo recollen e fan as autoavaliacións do seu comportamento durante a xornada.

Esperamos que vos guste este resumo de cómo é un día calquera no noso cole.

Os Bolechas en Marineda City

Como sabedes, este curso participamos nun concurso de debuxo cos Bolechas. Pois ben, agora estes persoaxes visitarán o centro comercial Marineda City para coñecer aos nenos/as que ata alí se acheguen.

Será o vindeiro sábado día 12 dende as 18h. Poderedes atopalos por ali bailando, xogando e facendo fotos cos pequen@s.

Cumples desta semana: Ximena, Matías, Antía e Vero

Rara é a semana na que non celebramos algún aniversario. E nesta semana tivemos que celebralos nas tres clases xa que dúas xirafas, unha tartaruga e unha caracol cumpliron os 6 anos. Así que ímos felicital@s!!

Comezamos pola clase das xirafas, xa que o xoves día 3 festexamos dous cumples de forma simultánea: Ximena e Matías, ademais de compartir clase, comparten data de nacemento. Vaia coincidencia!! E esta semana celebramos isto como é debido: biscoito e monedas de chocolate para todas as xirafas!! Moitas grazas a Ximena e a Matías, e moitas, moitas felicidades!! 

MATÍAS e XIMENA

Na clase das tartarugas e dos caracois ocorre o mesmo: dúas nenas comparten día de nacemento: o 5 de abril. Pero como este día é sábado e non hai cole, celebramos os seus respectivos aniversarios o pasado venres.

Así que na clase das tartarugas festexamos por todo o alto que Antía cumpliu 6 anos. Ela convidounos a un saboroso biscoito de chocolate do que non quedaron nin as migallas... qué rico estaba!! Moitas grazas, Antía!! E moitas felicidades!!

ANTÍA

E, para rematar... festa na clase dos caracois!! Vero celebrou o seu cumple cos compis da clase cunha tarta moi orixinal en forma de caracol!! E ademais de bonita, estaba moi boa!! Mil grazas a Vero e moi feliz cumple!!

VERO

Visita ao "Contacontos Biblioteca de Arteixo"

Como recordaredes, o curso pasado asistimos a unha sesión de contacontos na biblioteca Henrique Rabuñal de Arteixo e gustounos tanto que decidimos repetir este curso.

Así foi que durante a semana pasada repetimos a visita cunha nova sesión de contacontos os días 25 e 26 de marzo. Para ser exactos, foron dúas sesións, xa que a clase das tartarugas e das xirafas asistiron o martes e a dos caracois, o mércores. Pero tod@s o pasaron igual de ben!!

Da man de "Proxecto Bululú" @s cativ@s poideron disfrutar dos contos de "Capitán Calabrote" e do xa ben coñecido "Cando Martiño tivo ganas de mexar na noite de reis".

Na presentación de fotos que vos deixamos a continuación recopilamos algún destes momentos do contacontos. É fermoso poder observar as súas caras de atención e sorpresa. E, ademais, resulta un pracer poder capturar para o recordo os momentos de risos e gargalladas dos pequenos e pequenas. Esperamos que vos guste!!