Cativadas de Arteixo: entroido

Mostrando entradas con la etiqueta entroido. Mostrar todas las entradas

jueves, 27 de marzo de 2014

ENTROIDO 2014: Rockabilly

Pasaron xa algunhas semanas dende que celebramos o entroido este curso, pero non foi ata agora que conseguimos reunir e editar todas as fotos e vídeos.

A temática dos disfraces nesta ocasión xirou en torno aos diferentes estilos musicais. Así foi que poidemos ver pequenos punkys, vaqueiros bailando country, mariachis, cantantes de soul e jazz, bailarins de salsa... e moito máis!!

Como esta festa celebrámola en conxunto co resto do colexio, foi necesario editar algunhas imaxes xa que non temos a autorización para publicar fotos de nenos/as que non pertenzan a 6º de Infantil. Por esta mesma razón, non podemos publicar aquí os vídeos do desfile. Se algunha familia da clase dos caracois, xirafas ou tartarugas estivese interesada en ver estes vídeos de forma privada, pode contactar con nós enviando un correo a cativadas.arteixo@gmail.com e informarémoslles de como poden facer. De todas formas, e como xa é costume, farémosvos chegar éste e outros vídeos e fotos cando finalice o curso académico.

Aínda así, non ides ter que esperar tanto para ver cómo foron o desfile de entroido e outros momentos da mañá. Aquí vos deixamos unha presentación de imaxes. Esperamos que vos guste!!

CLASE DOS CARACOIS

CLASE DAS XIRAFAS

CLASE DAS TARTARUGAS

domingo, 24 de febrero de 2013

MÁIS ENTROIDO

Por fin temos listas todas as fotos e vídeos do entroido e cremos que a espera valeu a pena!! A continuación deixámosvos 3 vídeos: os dous primeiros son unha presentación de fotos e o último é un video-montaxe da festa de entroido. Desexamos que vos gusten!!

Comezamos coas imaxes do desfile de disfraces. Aquí podedes ver aos "Gatos con botas" desfilando e bailando ao ritmo de "Miau, miau, miau":

Continuamos cunha recopilación de imaxes de diferentes momentos da xornada: contemplando o desfile dos compañeiros, facendo o pasarrúas, comendo postres típicos de entroido (Que bos estaban!! Moitas grazas ás familias pola vosa colaboración!!), ...

E rematamos con este vídeo-montaxe onde nos poderedes ver a todos e todas disfrutando a tope deste día:

NOTA: como xa saberedes, para poder publicar neste blogue as imaxes dos nenos e nenas é necesaria unha autorización específica por parte dos pais/nais/titores. Esa é a razón pola que intentamos evitar, cos medios que temos, que os nenos e nenas que non son de 5º de Edu. Infantil saian nestas fotos, xa que non temos a autorización expresa das súas familias. Por este motivo non podemos facer públicos, por exemplo, vídeos do desfile nos que se ven a outros nenos/as que non son de 5º de Edu. Infantil.

jueves, 14 de febrero de 2013

O ENTROIDO DOS GATOS CON BOTAS

Como sabedes, todo o colexio nos disfrazamos coa temática dos contos clásicos.

No noso nivel, 5º de Educación Infantil, fomos disfrazados do "Gato con botas".

Aquí vos deixamos un adianto das fotos deste entroido. Esperamos que vos gusten!!

Os "Gatos con botas" da clase dos CARACOIS

Os "Gatos con botas" da clase das XIRAFAS

Os "Gatos con botas" da clase das TARTARUGAS

Os "Gatos con botas" de 5º de Educación Infantil

jueves, 7 de febrero de 2013

Esta semana seguimos os mandatos do Meco...

Tal e como vos contamos na anterior entrada, durante esta semana cada día debíamos traer unha cousa diferente para disfrazarnos. A verdade é que foi unha semana moi divertida e este foi o resultado:

CARACOIS

XIRAFAS

TARTARUGAS

E como mañá disfrazámosnos do "Gato con Botas" deixámosvos esta canción para ir abrindo boca...

martes, 5 de febrero de 2013

MANDATOS DO MECO

O entroido está chegando e cada día desta semana o Meco daranos unha consigna para vir disfrazados/as. Así que para saber o que toca cada día, consultade este taboleiro:

domingo, 27 de enero de 2013

PETICION DE COLABORACIÓN ÁS FAMILIAS

Durante a pasada semana os nenos/as levaron para casa unhas notas (que podedes consultar aquí) para pedir a colaboración das familias na celebración do día da paz e no entroido. Tamén queremos utilizar este blogue como medio para pedirvos o mesmo, unha vez máis.

DÍA DA PAZ

O mércores 30 de xaneiro conmemoramos o día da paz. Entre outras actividades, sairemos ao patio para cantar cancións sobre a paz e para formar xuntos, todos os nenos e nenas do colexio, un gran lazo da paz, do que procuraremos sacar unha imaxe "dende arriba".

Esta fotografía do CEIP El Sol, pode darvos unha idea do que pretendemos facer (só que no noso caso, a figura que formaremos será un lazo da paz).

Para que isto sexa máis vistoso, procuraremos ir vestidos todos iguais: cunha camiseta branca.

Por iso vos pedimos que colaboredes enviándolle aos vosos fillos/as unha camiseta branca metida dentro dunha bolsa (a bolsa deberá ir marcada co nome do neno/a). Para realizar esta actividade, ese día poñerémoslles a camiseta por riba do mandilón.

DÍA DO ENTROIDO

O venres 8 de febreiro celebraremos o entroido no noso colexio. Este ano, os diferentes niveis irán disfrazados de diversos contos populares. No noso caso, o nivel de 5º de Educación Infantil, disfrazarémonos do "Gato con botas"

Nesta ocasión, pedimos a vosa colaboración para que ese día os nenos e nenas veñan todos vestidos de negro e cunhas botas; a poder ser, botas de caña alta e lisas (sen debuxos nin estampados), por exemplo, unhas botas de auga.

Para o resto dos complementos do disfraz, xa estamos traballando na súa elaboración nas clases.

Moitísimas grazas pola vosa colaboración!!

sábado, 3 de marzo de 2012

Entroido

Xa fai uns días que pasou... pero agora é cando temos recopiladas todas as fotos dos nosos disfraces de pitufos!!

Así que vos deixamos dúas presentacións de fotos: unha, onde nos podedes ver desfilando, xogando, comendo orellas, filloas, rosquillas... E outra, onde nos podedes ver un pouquiño máis de cerca.

Esperamos que vos gusten!!