PROXECTO PINTORES: Cadro colectivo

Xa vos contáramos que este trimestre estamos a traballar no proxecto dos pintores. A clase dos caracois está aprendendo cousas sobre Kandinsky, a clase das xirafas, sobre Andy Warhol e a clase das tartarugas sobre Joan Miró.

Fai varias semanas que pedimos colaboración das familias para facer entre todos/as un cadro colectivo sobre cada un dos pintores e, hoxe, imos amosarvos o resultado, que foi espectacular.

Queremos aproveitar dende aquí para felicitar a todos aqueles país, nais, tíos, tías, avós, avoas... que axudaron aos cativ@s a traballar na súa parte do cadro, xa que o nivel de implicación resultou maravilloso, o que contribuiu a que a actividade fose enriquecedora para todos e todas. E, como non, temos que agradecervos todo o voso traballo e colaboración para facer isto posible.

Así que agora toca ver as obras de arte... comezamos!!

Clase dos caracois: CÍRCULOS CONCÉNTRICOS (Kandinsky)

Mirade o proceso de elaboración:

Clase das xirafas: THE CAMPBELL'S SOUP (Andy Warhol)

Aquí vedes cómo se foi compoñendo esta "lata":

Clase das tartarugas: MUJER, PÁJARO Y ESTRELLA (Joan Miró)

A montaxe desta obra foi así:

PROXECTO: PINTORES

O trimestre pasado traballamos no proxecto dos animais salvaxes e este trimestre, como xa sabedes, estamos cun novo proxecto: os pintores.

Cada unha das clases está a traballar sobre un autor diferente, para así despois intercambiar información entre clases e facer a actividade máis enriquecedora.

A clase dos caracois está aprendendo cousas sobre Kandinsky.

A clase das xirafas está descubrindo quen era Andy Warhol.

E a clase das tartarugas está traballando con Joan Miró.

As imaxes que vos amosamos son só un anticipo de todo o que temos por diante. 

Pouco a pouco iremos amosando máis cousas, porque a verdade é que temos moito que amosar!! E isto é grazas a que as familias vos estades a implicar moitísimo con este traballo e está resultando unha experiencia moi motivadora para os nenos e nenas.

Por esta razón, queríamos aproveitar para agradecervos toda a vosa colaboración, dedicación e entrega co traballo dos vosos fillos e fillas. Dentro de pouco colgaremos máis fotos para que sigades comprobando cómo todo este traballo fai crecer os recunchos dos autores.