TIBURÓN

Outra das pequenas sorpresas que vos tiñamos gardadas era esta: o baile do tiburón!!

Se na ocasión anterior botabamos a vista atrás para recordar a coreografía do curso 2012-2013, nesta ocasión amosámosvos a coreografía estrela do curso 2013-2014. Como poderedes comprobar, os cativos e cativas xa son uns profesionais do baile e desfrutan moito del!!

Deixámosvos cun videoclip conxunto das clases dos caracois, xirafas e tartarugas bailando a canción do tiburón. Esperamos que vos guste!!

(de novo recordamos que poderedes velo con maior calidade se en Youtube picades na roda da barra gris de abaixo e seleccionades 720p ou 1080p)

E se queredes descargar o arquivo para telo no voso ordenador, picade AQUÍ

GANGNAM STYLE (curso 2012-2013)

Pensabades que isto xa rematara? Pois ainda non!!

Nesta última semana de agosto queremos traervos unhas pequenas sorpresas a modo de despedida.

E a primeira delas trátase destes vídeos, rescatados do curso 2012-2013, cando os nenos e nenas estaban en 5º de Educación Infantil.

Durante ese ano púxose de moda a canción "Gangnam style" e nas clases de psicomotricidade bailamos unha coreografía deste tema. Así foi que nalgunha desas clases gravamos uns fragmentos do baile, que hoxe traemos nesta entrada a modo de "videoclip". Desafortunadamente, durante o proceso de gravación, algún cativo/a estaba enfermo/a e non formou parte destes vídeos, aínda que esperamos que igualmente gosten de ver aos seus compañeiros/as e desfruten da coreografía (que de seguro aínda lembran!).

Ademais poderedes ver algúns nenos ou nenas que remataron o ciclo noutro colexio; é a nosa maneira de renderlles homenaxe a eses alumnos/as que tamén formaron parte de "Cativadas" no seu día.

Se nos axustes de Youtube subides a calidade do vídeo, poderedes velo mellor (na barra gris de abaixo, picar na roda e seleccionar calidad - 720p). Esperamos que vos guste!!

GANGNAM STYLE CLASE DOS CARACOIS

GANGNAM STYLE CLASE DAS XIRAFAS

GANGNAM STYLE CLASE DAS TARTARUGAS

Excursión de fin de curso: Zoo de Vigo

O pasado 2 de xuño realizamos a excursión de fin de curso ao Zoo de Vigo.

Nesta presentación de imaxes que vos deixamos a continuación poderedes ver algúns dos momentos desta viaxe.

Esperamos que vos guste!!

UN DÍA NORMAL

Habitualmente amosámosvos neste blogue actividades que realizamos nun día especial ou diferente ao resto.

Pero hoxe decidimos facer o contrario: queremos que vexades cómo é un día normal e corrente nas nosas clases. Así que un xoves calquera fotografiamos diferentes momentos da mañá en cada unha das aulas e fixemos pequenos vídeos que recollen algúns anaquiños da nosa rutina escolar.

Sempre comezamos a mañá facendo a asemblea. Así que atoparedes, na presentación que deixamos a continuación, fotos e vídeos de diferentes momentos desta actividade. Empezamos na clase dos caracois pasando lista. A continuación veredes a clase das xirafas escribindo "a palabra máxica" e, despois, a clase das tartarugas poñendo a data.

Avanza a mañá e chega a hora do traballo na mesa. Voltamos de novo á clase dos caracois para velos recortar un marcapáxinas. Na clase das xirafas están aprendendo a facer un encrucillado. E na clase das tartarugas fan unha copia sobre o proxecto no que estamos a traballar.

Como o noso "día normal" era xoves, tanto xirafas como tartarugas tiñan clase de psicomotricidade. Así que poderedes ver a estas dúas clases disfrutando dalgúns dos seus xogos favoritos ("pato-pato-oca", "veneno", "oso goloso"), aprendendo a atar os amallós ou facendo ioga para relaxarse.

Para rematar a mañá, despedímonos na clase dos caracois e vemos cómo recollen e fan as autoavaliacións do seu comportamento durante a xornada.

Esperamos que vos guste este resumo de cómo é un día calquera no noso cole.

FIN DE CURSO 2012-2013

Quedan poucas semanas para dar comezo a un novo curso académico pero, mentres tanto, seguimos botando atrás a ollada para recordar algúns momentos do curso que xa rematou.

Nesta ocasión queremos amosarvos unha montaxe de fotos da actuación de fin de curso.

Tamén temos gravado un vídeo do baile para que poidades ver qué ben o fixeron os cativos e cativas, pero por motivos de privacidade non o podemos publicar neste blogue (xa que non temos a autorización de todos @s menores que se poden ver nel). Polo tanto, se algunha familia está interesada en ver de forma privada este vídeo, que se poña en contacto coa titora cando comece o curso.

Mentres tanto, para ir abrindo boca, aquí tedes estas imaxes da actuación.

Esperamos que vos guste!!

BELELLE: vídeo dos mellores momentos

Aínda nos quedaba unha última cousa que amosarvos sobre a excursión a Belelle: trátase dun vídeo que recopila algúns dos momentos da viaxe. Lamentamos non poder ter gravado a tod@s os nen@s en todos os obradoiros, pero aínda non dispoñemos dos suficientes "medios técnicos" para facelo... De todas formas, parecíanos que estaría ben amosarvos estes anacos de vídeo que temos, xa que pode ser un bonito recordo. Esperamos que disfrutedes e que vos guste!!

Concerto "Los colores de las cuerdas" de Arcos Iris

A semana pasada tivemos a oportunidade de gozar no colexio dunha actividade diferente e moi enriquecedora. O grupo Arcos Iris, formado por integrantes da Orquestra Sinfónica de Galicia deleitounos co seu espectáculo "Los colores de las cuerdas".

Foi un concerto marabilloso, onde nenos e nenas poideron familiarizarse cos instrumentos da familia da corda e descubrir pezas musicais clásicas dunha forma divertida.

A continuación deixámosvos unha presentación de imaxes da actividade, cunha base musical de varias pezas que os nenos/as poideron escoitar ese día.

E, para rematar, aquí tedes este vídeo recompilatorio de pequenos fragmentos dalgunhas das obras que interpretaron os integrantes de Arcos Iris.

Esperamos que vos gusten!!

MÁIS COUSAS SOBRE O ACUARIO

Durante esta semana amosámosvos as fotos que sacamos durante a visita ao Acuario.

Hoxe tócalle a quenda aos vídeos. A continuación deixámosvos con dúas montaxes que recollen momentos da visita.

Para facer o percorrido polas diferentes partes do Acuario, as monitoras dividíronnos en dous grupos para, desta forma, poder explicarnos mellor todos aqueles aspectos salientables sobre os animais que alí viven.

Os dous grupos fixeron a visita de forma alterna, polo que poderedes ver cousas diferentes en cada un dos vídeos. Esperamos que vos gusten!!

VISITA AO ACUARIO (GRUPO 1)

VISITA AO ACUARIO (GRUPO 2)

LIBRO DOS ANIMAIS SALVAXES

Estamos xa quentando motores para comezar o terceiro trimestre.

Pero antes haberá que rematar o segundo como é debido!!

Para iso traémosvos nesta entrada unha mostra do traballo que os cativ@s fixeron durante este trimestre que acabamos de rematar. Como sabedes, estivemos a traballar sobre os animais salvaxes. Cada unha das clases elaborou, sobre este tema, un libro que cada neno/a poderá levar un día a casa para poder velo.

E aqueles que o queiran volver ver, poderán facelo neste blogue todas as veces que desexen.

A continuación amosámosvos unhas presentacións sobre os libros de cada unha das clases e, ademais, deixamos uns enlaces (debaixo de cada vídeo) para poder descargar o libro no voso ordenador.

Esperamos que vos guste!!

CLASE DOS CARACOIS

Para descargar o libro no ordenador, clicar AQUÍ.

CLASE DAS XIRAFAS

Para descargar o libro no ordenador, clicar AQUÍ.

CLASE DAS TARTARUGAS

Para descargar o libro no ordenador, clicar AQUÍ.

MÁIS ENTROIDO

Por fin temos listas todas as fotos e vídeos do entroido e cremos que a espera valeu a pena!! A continuación deixámosvos 3 vídeos: os dous primeiros son unha presentación de fotos e o último é un video-montaxe da festa de entroido. Desexamos que vos gusten!!

Comezamos coas imaxes do desfile de disfraces. Aquí podedes ver aos "Gatos con botas" desfilando e bailando ao ritmo de "Miau, miau, miau":

Continuamos cunha recopilación de imaxes de diferentes momentos da xornada: contemplando o desfile dos compañeiros, facendo o pasarrúas, comendo postres típicos de entroido (Que bos estaban!! Moitas grazas ás familias pola vosa colaboración!!), ...

E rematamos con este vídeo-montaxe onde nos poderedes ver a todos e todas disfrutando a tope deste día:

NOTA: como xa saberedes, para poder publicar neste blogue as imaxes dos nenos e nenas é necesaria unha autorización específica por parte dos pais/nais/titores. Esa é a razón pola que intentamos evitar, cos medios que temos, que os nenos e nenas que non son de 5º de Edu. Infantil saian nestas fotos, xa que non temos a autorización expresa das súas familias. Por este motivo non podemos facer públicos, por exemplo, vídeos do desfile nos que se ven a outros nenos/as que non son de 5º de Edu. Infantil. 

E por fin... Festival de Nadal!!

Estivemos recopilando as fotos que fixemos o día do festival de Nadal para poder facer unha montaxe e amosarvos o ben que o pasamos ese día. E, por fin, aquí temos o resultado!!

Visita do paxe real, ao que lle dimos as nosas cartas, merenda con produtos navideños e o festival propiamente dito... todo isto formou parte dunha mañá moi divertida.

Aquí vos deixamos o vídeo que fixemos coas fotos, esperamos que vos guste:

Venres de cine

Temos o costume de xuntarnos as tres clases durante a última sesión dos venres para ir todos xuntos ao "cine".

Cada semana vemos algo distinto grazas ó proxector que temos nunha das aulas e este venres vimos a peli de Rudolph, é dicir, o noso amigo o reno Rodolfo ao que estamos adicando varias das nosas actividades navideñas.

Queremos agradecer á familia que nos facilitou poder ver esta película.

E grazas tamén a todas as demais que nos estades axudando a preparar a celebración do nadal do cole: recortando os cornos do reno Rodolfo, ensaiando o villancico na casa... Moitas grazas!!