Proxecto "O Universo": Primeiros traballos

Como xa saberedes, neste trimestre comezamos a traballar no proxecto sobre o universo.

Continuaremos con este tema tamén no terceiro trimestre, xa que está dando moito xogo e resulta moi motivador para cativos e cativas.

Nesta entrada de hoxe queremos amosarvos cómo cada unha das clases comezaron a traballar neste proxecto: actividades, materiais e aportacións para o recuncho do universo, elaboración do mural do universo, decoración das aulas... éstas e outras moitas cousas resumen o traballo diario de caracois, xirafas e tartarugas.

A continuación deixámosvos cunhas presentacións de imaxes para que vos fagades unha idea de todo isto do que estamos a falar. Esperamos que vos guste!!

UNIVERSO CARACOIS

UNIVERSO XIRAFAS

UNIVERSO TARTARUGAS 

Proxecto "Universo": O ceo de marzo

Como sabedes, este trimestre comezamos a traballar no proxecto do "Universo". É un tema moi amplo e interesante que, de momento, está motivando moito a cativos e cativas.

Esta entrada de hoxe é un pouco diferente ás outras que vimos publicando. Nesta ocasión non vos imos amosar cómo están a traballar @s nen@s no proxecto (iso farémolo próximamente), se non que queremos aproveitar para amosarvos ás familias un vídeo que hai colgado en youtube e que pensamos que pode resultar útil para que tod@s aprendamos un pouquiño sobre o universo.

Polos contidos que trata, quizá pode resultar un pouco denso e complicado para os nosos cativ@s, pero esperamos que véndoo en familia vos resulte interesante.

Decidimos publicalo hoxe porque xusto esta noite (10 de marzo) poderedes ver cómo a Lúa vai acompañada no seu paseo nocturno por un punto moi cercano a ela e moi brillante, que non se trata dunha estrela, neste caso é o planeta Xúpiter. É unha boa ocasión para que aquelas persoas que non están moi iniciadas no tema da astronomía poidan localizar con facilidade este planeta no ceo nocturno.

Este é só un dos datos que se describen no vídeo. Ademais fala das constelacións que este mes podemos ver no ceo e, tamén, de cómo o día 20 de marzo comezará a primavera.

Esperamos que vos guste!!

Excursión á Casa das Ciencias e ó Planetario

Como sabedes, este trimestre estamos traballando no proxecto do Universo.

Así que, para complementar isto, fixemos unha excursión á Casa das Ciencias e ó Planetario de A Coruña o pasado 3 de febreiro.

Foi un día estupendo e pasámolo xenial. Xogamos e aprendemos con todas as experiencias que nos ofrece este museo: péndulos, imans, vento... moitísimas cousas que nos serviron para aprender experimentando.

E, para rematar, asistimos a unha sesión de Planetario na que a estrela Fugaz presentounos a todos os seus amigos e amigas do ceo. Aprendemos un montón!!

Aquí tedes unhas imaxes daquel día. Esperamos que vos gusten.