Preparando o Día da Paz

O próximo luns día 30 celebramos o Día da Paz.

No cole imos realizar un acto simbólico con globos blancos e, tamén, cantaremos esta canción da que vos deixamos a letra por se a queredes practicar na casa 

(a música é a da canción popular "Tengo una muñeca vestida de azul"):

Los peques del cole

queremos cantar

para que en el mundo 

reine la igualdad.

Para que en el mundo

siempre exista Paz

debemos querernos 

conocernos más.

Blancos, negros, chinos,

indios, ¿qué más da?

si nos abrazamos

traeremos Paz.

Celebrando o nadal no cole

Nas entradas anteriores poidestes comprobar cómo celebramos o nadal no cole, pero ainda nos queda por ensinarvos o día no que os Reis Magos nos visitaron.

Foi unha mañá moi especial, xa que primeiro fomos botar as nosas cartas nas caixas de correo de Melchor, Gaspar e Baltasar, que estaban colocadas na entrada do cole.

Despois tomamos unha merenda especial, xa que nos corredores había unhas mesas cos alimentos navideños que trouxéramos das nosas casas: turrón, polvoróns, mazapán, trufas, noces, améndoas, figos... Un montonazo de cousas deliciosas!!

Pero non rematou aí a cousa, xa que todos os nenos e nenas de Educación Infantil fomos ao pavillón, onde recibimos a visita dos Reis Magos que viñan recoller as nosas cartas, comprobar qué tal nos portáramos durante o ano e regalarnos caramelos.

Ademais de todo isto, como xa vos contamos, bailamos a canción de Rodolfo para o resto dos nosos compañeiros/as.

Vaia mañá máis completa que tivemos!!

E para que poidades facervos unha mellor idea de cómo foi, vos deixamos estas presentacións de fotos. Esperamos que vos gusten!

Máis Rodolfo

Na entrada de onte puidestes ver qué ben se nos da bailar a ritmo de Rodolfo.

Nesta ocasión queremos deixarvos unhas cantas fotos "de familia" para que as teñades de recordo.

Aquí están os renos da clase dos caracois coa súa profe Charo.

Aquí temos os renos da clase das xirafas coa súa profe Mane.

Aquí vedes aos renos da clase das tartarugas coa súa profe Salvia.

E para rematar, aquí estamos todos xuntos: caracois, xirafas, tartarugas, Charo, Mane, Salvia e Nuria.

Rodolfo el reno

Xa sabedes de sobra que a nosa canción favorita deste nadal foi "Rodolfo el reno". No cole, cada unha das clases interpretouna para o resto dos seus compañeiros/as de 4º de E.I. e, despois, todos xuntos para os compañeiros/as de 5º e 6º de E.I.

Aquí vos deixamos unha montaxe de cada unha das clases para que as familias poidades comprobar como estes cativos/as están feitos uns verdadeiros artistas!!

A clase dos caracois interpreta "Rodolfo el reno"

A clase das xirafas interpreta "Rodolfo el reno"

A clase das tartarugas interpreta "Rodolfo el reno"

Preparando o Nadal

Agora mesmo xa remataron estas festas pero, antes de que empezasen, no cole estivémonos preparando como é debido.

A continuación deixámosvos cunhas presentacións de fotos para que vexades qué cousas fixeron os caracois, as xirafas e as tartarugas para decorar as súas clases para o Nadal.

Cumples decembro

Qué tal estades pasando as vacacións?

Seguro que estades disfrutando cada momento!!

Aproveitamos para desexarvos un bo ano 2012 e esperamos que entrárades nel con bo pé e sen atragantarvos coas uvas!!

Pouquiño a pouco imos ir retomando a actividade no blog e hoxe comezamos por felicitar a todos aqueles cativos/as máis pequenos do noso cole: aqueles que cumpliron os 3 anos no mes de decembro.

Así que moitas felicidades para Ricardo, da clase dos caracois, para Alberto e Adrián, da clase das xirafas, e para Lola e Iván, da clase das tartarugas.

E, como tódolos meses, deixámosvos un pouco de música para celebralo e, nesta ocasión, aproveitamos tamén para ambientar a época que estamos rematando...

AVISO VACACIÓNS DE NADAL

Música para o Nadal

A partir de hoxe engadimos un reproductor de música ao blog para amenizar un pouco as vosas visitas.

Estará de forma permanente na columna da dereita do blog. Ten este aspecto:

 

Tan só con clicar no play poderedes escoitar diferentes cancións que lles resultarán familiares aos nosos cativos e cativas.

Nesta ocasión deixámosvos a do famoso "Reno Rodolfo", "Mi burrito sabanero" (panxoliña que están preparando os de 4 anos) e "Llega la Navidad" (preparada polos de 5 anos).

Esperamos que vos guste!!

A revisar cabezas!!

Familias, temos noticias de que nalgunhas das nosas cabezas temos uns inquilinos chamados piollos.

Así que vos queremos pedir que revisedes as nosas cabezas e, se os atopades, que poñades as medidas necesarias para eliminalos.

Deixámosvos uns enlaces a unhas páxinas nas que tedes máis información sobre os piollos clicando aquí e sobre o seu tratamento aquí.

Venres de cine

Temos o costume de xuntarnos as tres clases durante a última sesión dos venres para ir todos xuntos ao "cine".

Cada semana vemos algo distinto grazas ó proxector que temos nunha das aulas e este venres vimos a peli de Rudolph, é dicir, o noso amigo o reno Rodolfo ao que estamos adicando varias das nosas actividades navideñas.

Queremos agradecer á familia que nos facilitou poder ver esta película.

E grazas tamén a todas as demais que nos estades axudando a preparar a celebración do nadal do cole: recortando os cornos do reno Rodolfo, ensaiando o villancico na casa... Moitas grazas!!

DECEMBRO

Onte comezou o último mes deste ano 2011.

É un mes que nos gusta moito, xa que celebramos o Nadal.

E co Nadal rematará o primeiro trimestre do curso.

Por iso decidimos deixarvos este calendario para que vos sirva como referencia para saber qué días imos ter cole (sinalados cun lápis) e cales podemos quedar descansando (sinalados cunha casa).

Mañá sábado empeza a ponte de decembro, que durará ata o martes (o luns non hai clase por ser un dos días non lectivos escollidos por este centro).

O mércores haberá clase, o xoves non (por ser festivo nacional) e o venres de novo teremos que vir ó cole.

A partir de aí continuaremos con normalidade ata o día 22, primeiro día das vacacións de Nadal.

Pero non vos preocupedes, que xa vos iremos dando máis detalles de todo isto.

Polo momento, que disfrutedes destes días de descanso!!

Merenda de mañá venres: GALLETAS e ZUME

Os venres traemos para merendar galletas (ou similares) e zume.

Este tipo de alimentos son ricos en hidratos de carbono, que son os encargados de aportarnos enerxía para traballar toda a mañá.

Algunhas suxerencias para traer de merenda alimentos deste tipo poden ser os seguintes ou todos aqueles que se vos ocorran:

- Galletas de tódalas clases

- Picos de pan

- Barquillos

- Biscoitos

- Pan torrado

- Zumes de calquer tipo

- Etc.

Merenda de mañá xoves: LÁCTEOS

Os xoves tomamos de merenda produtos lácteos.

O leite, e todos aqueles produtos derivados del, son ricos en calcio.

O calcio axuda a que os nosos ósos crezan fortes.

Algunhas suxerencias para traer merendas deste tipo poden ser as seguintes:

- Liscas ou taquiños de queixo
- Queixo cremoso (pode ser acompañado de picos de pan)
- Queixo fresco
- Queixiños en porcións
- Iogures
- Iogures bebibles
- Batidos
- Natillas
- Leite callado
- Etc.

E todos aqueles outros productos derivados do leite que queirades.

Merenda de mañá mércores: BOCADILLO ou SÁNDWICH

Os mércores merendamos bocatas e sándwiches. 

É dicir, o que pretendemos é que os nenos e nenas tomen algo de fiambre ou embutido (tamén patés) acompañados dun pouco de pan.

 O fiambre e os embutidos, así como a carne en xeral, son alimentos ricos en proteínas, que son as que axudan a que medren os nosos músculos.

Por iso é importante tomar tamén este tipo de alimentos, xa que teñen os compoñentes axeitados para axudarnos a medrar fortes.

Merenda de mañá martes: FROITA

Os martes traemos froita para merendar.

A froita é un compoñente moi importante da dieta xa que, entre outras cousas, aporta vitaminas que axudan a crecer sans e fortes.

Tanto nenos como adultos deben tomar 5 racións de froita e verdura cada día.

Por iso, para axudar a conseguilo, os martes tomamos froita á hora da merenda.

Por cuestión de tempo e organización, ésta deberá vir xa lavada e mondada (no caso de que o neno/a non sexa capaz de mondala por sí mesmo).

Algunhas suxerencias para merendar froita poden ser as seguintes:

- Mazá ou pera (cortada, no caso de que o nen@ esté acostumado a comela así; podémoslle botar unhas pingas de zume de limón para evitar que se oxide)

- Plátano

- Uvas

- Mandarina

- Fresas

- Cereixas

- Sandía

- Macedonias (nun recipiente poden traer anaquiños de froitas diferentes para alternar sabores; ademais das que xa mencionamos, outras opcións poden ser: melocotóns, pexegos, kiwis, piña...)

- Cenoria (aínda que non sexa exactamente unha froita é unha opción compatible)

- Noces, améndoas, avelás... (tampouco son exactamente froitas, pero ocasionalmente podemos recurrir a elas, xa que se trata de froitos secos)

Merendas

Ola familias!!

Hoxe vos traemos unha entrada un pouco distinta, xa que non vos imos ensinar o que traballamos no cole, senón que decidimos falarvos dun tema moi importante para os pequenos/as: a alimentación.

Como xa sabedes, este curso decidiuse establecer un calendario de merendas para que os cativos/as aprendan a comer de forma variada.

Tódolos días, a media mañá, tomamos un pequeno tentempé para coller forzas antes de sair ao recreo. Cada día da semana vos pedimos que os nenos/as traian un tipo de merenda diferente para que vaian comprendendo a importancia de tomar diferentes tipos de alimentos.

Tedes o calendario de merendas na columna da dereita de forma permanente, por se algún día queredes consultalo. Hoxe, volo deixamos aquí en grande para axudarvos a facer memoria:

Como xa sabedes, mañá luns é día libre e podedes traer a merenda que queirades xa que, despois da fin de semana, pensamos que vos pode resultar un pouco máis complicado ter na casa algo específico que toque para o día seguinte.

Así que mañá elexides vos. E para o resto dos días da semana imos ir dando suxerencias de qué cousas poden traer os nenos e nenas como merenda. Esperamos que vos sexa útil.

Cumples de novembro

Esta semana celebramos o último dos cumples deste mes, así que xa podemos deixarvos unha foto de todos os cumpleañeir@s de novembro.
Aquí tedes a Lucía e África, da clase dos caracois; a Alén e Víctor, da clase das xirafas; e a Paula da clase das tartarugas.

 

 

Cumpliron tod@s 3 anos: moitísimas felicidades!!

E, para celebralo... algo de música e a bailar!!!

Na barra da dereita do blog temos de forma permanente unha presentación de fotos de cada mes cos nenos e nenas que estiveron de cumple para que poidades recordalos.

Canción dos piratas

Dende comezo de curso aprendemos esta canción na clase de música e, pouco a pouco, foise convertendo nunha das nosas favoritas.

Así que decidimos gravala en vídeo para poder compartila con tod@s vós.

Esperamos que vos guste!!

Canción dos piratas from cativadas.arteixo on Vimeo.

Árbore de outono

Fai algúns días que vos pedimos colaboración ás familias para realizar as nosas árbores de outono.

Enviamos un modelo de folla de outono para casa e vos pedimos que axudárades aos vosos fillos/as a decoralas para despois traelas de novo ao cole.

Queremos darvos a nosa máis sincera noraboa xa que o traballo que fixestes foi espectacular!!

Colocamos todas as follas xunto as árbores que decoran o noso pasillo e agora, cada vez que pasamos diante delas, quedamos como hipnotizados mirando para o resultado tan chulo.

A continuación vos deixamos unhas cantas imaxes para que vos poidades facer unha idea do resultado.

E, de novo, felicidades polo voso traballo!!

Merenda de outono

A pasada semana aprendemos cales son os frutos e as froitas máis características de outono.

Para iso, en cada unha das clases, celebramos unha deliciosa merenda para poder probar un pouquiño de todo isto.

Había algunhas froitas ou froitos secos que xa coñecíamos como a mazá, a pera, a laranxa, a mandarina, as uvas, as noces, os cacahuetes... Pero tamén houbo outros que moitos probamos por primeira vez: a granada, o kaki, as avelás, as améndoas...

Todo estaba riquíííííííííísimo!!

Para que vos fagades unha idea de canto disfrutamos desta merenda, aquí vos deixamos estas presentacións de fotos:

CLASE DOS CARACOIS

CLASE DAS XIRAFAS

CLASE DAS TARTARUGAS

Cumples outubro

Tal e como vos prometemos onte, seguimos ensinándovos as fotos dos cumples que xa celebramos no cole.

Nesta ocasión, aquí tedes os cumples do mes de outubro:

Sheila, unha tartaruga; Laura, unha xirafa; e Mara, unha caracol.

As tres cumpliron tres anos. Moitas felicidades!

E, para celebralo, un pouco de música...

Cumples setembro

Dende que comezou o cole xa levamos celebrado uns cantos cumples pero como aínda non tiñamos o blogue en funcionamento non vos puidemos ensinar as fotos d@s cumpleañeir@s. 

Para poñer solución a isto durante esta semana iremos subindo as fotos dos cumples que xa celebramos cos compañeiros/as no cole. E, posteriormente, crearemos un apartado na columna da dereita cunha presentación de fotos de todos os nenos e nenas que cumplen cada mes.

Para empezar, aí vos deixamos a Paula, da clase das xirafas, e a Adrián, da clase das tartarugas, que xa cumpliron os 3 anos.

 E como agasallo, aínda que un pouco atrasado... deixámosvos unha canción que seguro que vos sabedes!!

Animádevos a deixar un comentario

Hoxe decidimos facer esta entrada un pouco diferente ás que estades habituados para explicarvos un pouco o funcionamento do blogue a aquelas familias que non esteades moi habituadas.

En concreto, hoxe imos explicar cómo hai que facer para deixar un comentario.

Para nós é importante coñecer a vosa opinión e o que pensades sobre o traballo que facemos e que vos mostramos aquí. Por iso resúltanos útil que nos deixedes algunha mensaxe sobre o que pensades, as vosas impresións, suxerencias, aclaracións, etc.

Ademais, semanalmente lemos na aula estas mensaxes cos nenos/as e failles ilusión atopar aquí os vosos comentarios.

Moitos de vós xa vos animastes a deixarnos algunha mensaxe pero pensamos que pode haber alguén que non teña moi claro cómo facelo, polo que volo imos explicar.

Hai tres formas de poñervos en contacto con "Cativadas de Arteixo":

1ª- Podedes deixar un comentario debaixo dunha entrada que vos resulte interesante.

 

É moi sinxelo: só hai que clicar enriba do texto, tal e como se indica na imaxe.

 

Despois de clicar, ábrese un cadro de texto onde poderemos escribir o que queiramos. Posteriormente é necesario escoller un perfil para poder comentar. Aqueles que teñades unha conta aberta en google (xa sexa con gmail, blogger, youtube, etc.) podedes escoller o perfil que xa tedes creado. De non ser así, non é necesario que o creedes nin que vos rexistredes, tan só con escoller a opción "Nombre/URL" xa poderedes comentar.

2º- Outra opción para deixar un comentario máis xeral, sen que teña que ver directamente con algunha das entradas do blogue, é escribilo na caixa de chat que hai na columna da dereita.

Tamén é sinxelo escribir aquí xa que só hai que deixar un nome e, opcionalmente, una dirección de e-mail. A mensaxe que se pode escribir contén poucos caracteres, pero podedes deixar cantas queirades. Despois de pulsar "Ok", o que escribades aparecerá na parte superior do chat.

3º- A última opción para poñervos en contacto con nós é a través do correo electrónico:

 

Isto está pensado para aquelas mensaxes que nos queirades enviar de forma máis privada, ou por se queredes compartir algún arquivo con nós.

Sempre nos atoparedes na dirección cativadas.arteixo@gmail.com

Esperamos que vos resultase interesante esta información

Magosto 2011

Como xa sabedes, o pasado venres celebramos a festa do magosto no noso cole.

Estábamos moi emocionados porque tiñamos moitas ganas de que chegase este día.

Pola mañá cedo fomos as 3 clases a ver cómo hai que facer para asar as castañas para tantos nenos e nenas. Incluso lle cantamos unha canción ao "castiñeiro" para animalo no seu traballo.

Máis tarde, cando xa estaban todas asadas, volvemos coa nosa caixa portacastañas para que nola enchesen e así poder celebrar o magosto como é debido!!

Deixámosvos dúas presentacións de imaxes para que poidades ver os momentos máis importantes desta celebración.

AVISO MAGOSTO

MÁIS SAMAÍN...

Hoxe traemos unhas pouquiñas máis cousas sobre o Samaín.

Aquí vos deixamos unha presentación con máis imaxes sobre o que traballamos para esta celebración.

Podedes ver cómo baleiramos a cabaza, cómo decoramos as clases, maquillámonos, cantamos, bailamos...

Esperamos que vos guste!!

CHEGOU O SAMAÍN

Hoxe, 31 de outubro, celébrase o Samaín

No cole traballamos durante a semana pasada sobre esta celebración.
Na seguinte entrada atoparedes máis detalles sobre o que fixemos.

E para rematar... Unha das nosas cancións favoritas: El fantasma Manolín!!

Veña, todos/as a cantar: Uuhh-uuhh-uuhh!!

RECORDANDO OS PRIMEIROS DÍAS DE COLE

Quen se acorda daqueles días de setembro nos que viñemos por primeira vez ao cole? 

Aquí vos quedan algunhas fotos deses días para que fagades memoria...