Rematando o verán

Comezamos xa coa última semana do mes de agosto e temos setembro á volta da esquina.

En pouco máis de dúas semanas voltaremos ao cole; para axudar aos cativos/as a ir collendo pouco a pouco o ritmo de traballo, imos recordarvos unha serie de tarefas que xa vos propuxemos no seu momento e que pretenden refrescar aquelo que aprenderon no seu primeiro ano de cole.

Hoxe comezamos por recomendarvos que traballedes con eles/elas unha serie de tarefas relacionadas co bo comportamento, a atención e os hábitos saudables.

Por exemplo, podedes facer fincapé en:

- Sentar correctamente:

- Coller os útiles con presión:

- Ter obrigas e cumplilas (vestirse, espirse, recoller, poñer a mesa, facer pequenos recados...). Traballamos así a responsabilidade:

- Facer unha cousa de cada vez: ler contos, ver a tele, xogar, comer... Traballando desta forma a atención e a concentración:

Nota: se picades nas imaxes, tedes links a outras páxinas nas que se amplía a información.

Aviso: Material para o curso 2012-2013

Queridas familias:

Cada vez vai quedando menos para o remate das vacacións; tan só en 3 semanas estaremos de volta ao cole.

Este ano coincide que por estas datas temos que contar cunha novidade que a ninguén lle fai moita ilusión: a subida do IVA. 

Somos conscientes de que este é un tema que preocupa a moitos e por iso decidimos facer esta entrada no blogue. Recibimos xa varias consultas sobre o material escolar para o vindeiro curso, para poder ir adiantando a súa compra e así evitar que afecte a subida do IVA. Cremos que isto pode facer que a volta ao cole sexa costa arriba para moitos, por iso as profes deste nivel (o dos nenos/as que comezan 5º de Educación Infantil) decidimos que non vamos pedir un listado de material por cada alumno/a. Aínda conservamos algún material do que pedimos ao comezo do curso pasado e imos administralo ben para que, de momento, non teñamos que pedir máis. 

Se segundo vaia avanzando o curso vemos que precisamos algunha cousa (por exemplo, se rematamos cos folios, cos pegamentos, etc.) pedirémosvos a cada familia que contribuades mercando unha cousa determinada (o mesmo que facemos cando rematamos coas toalliñas ou cos panos de papel).

Resumindo: de momento non é necesario que merquedes ningún material para o curso 2012-2013.

Por outra banda, queremos recordarvos que a subida impositiva do IVA non afecta aos libros de texto, que seguirán pertencendo ao grupo superreducido (4% de IVA).

A subida afecta aos outros artículos de material escolar (cadernos, cartolinas, folios, etc.); pero prácticamente todos os asociados á Federación de Libreiros de Galicia van retrasar esta subida do IVA ata o 15 de outubro, para favorecer desta forma ás familias.

Isto último que vos comentamos podédelo leer nos xornais. Aquí vos deixamos un par de enlaces, de entre os moitos que fixeron eco desta nova:

http://www.laopinioncoruna.es/portada/2012/08/13/200-librerias-subiran-iva-material-escolar/636396.html

http://www.laopinioncoruna.es/sociedad/2012/08/18/vuelta-cole-apuros/637689.html

Para rematar, deixámosvos o enlace á entrada na que publicamos o listado de libros de texto para o curso 2012/2013:

http://cativadasdearteixo.blogspot.com.es/2012/06/libros-para-o-curso-20122013.html

Actuación fin de curso 2012

Non foi sen tempo, pero por fin temos editado o vídeo do baile de fin de curso!!

Aquí podedes ver ás clases dos Caracois, Xirafas e Tartarugas bailando ao ritmo da canción "Sube las manos parriba".

Despois de facer esta actuación na clase, bailamos xunto cos outros nenos e nenas de Educación Infantil diante de todo o cole e fixémolo estupendísimamente.

Estamos feitos todos e todas uns verdadeir@s artistas!!

Cumples xullo

Que tal van esas vacacións? Esperamos que moi ben!!

Despois duns días de descanso no blogue imos ir engadindo pouco a pouco novas entradas.

E, como de costume, xa que rematou o mes de xullo temos de desexarlles feliz cumpleanos a todos aqueles nenos e nenas que cumpliron 4 anos durante este mes.

Así que.. alá imos!!

Moi feliz cumple para...

Laura e Sabela F.F. da clase dos caracois.

Sara da clase das xirafas.

E Irene, Óscar, Sofía, Uxía e Javi da clase das tartarugas.

Moitísimas felicidades a todos e todas!! Cando nos voltemos ver xa vos tiraremos das orellas como é debido. E, mentres chega ese momento, deixámosvos cun pouco de música para celebralo.

Fin de curso 2012

Aquí estamos de novo con cousiñas novas no blogue, non pensedes que nos esquencéramos de vós!!

Desta vez, queremos ensinarvos algunhas imaxes para mostrarvos como foi o último día do curso, sen dúbida, moi especial para todos e todas.

Dentro de pouco ensinarémosvos a actuación de fin de curso, así que... estade atent@s!!

Cumples xuño

Aínda que xa acabou o curso, non podemos perder as boas costumes, así que como viñemos facendo cada fin de mes, toca felicitar a todos os nenos/as que durante xuño cumpliron 4 anos.

Moitas felicidades para...

Jorge, Pablo B. e Sabela da clase dos caracois:

Ariadna E., Cora e Marco da clase das xirafas:

 

E Anxo e Carlota da clase das tartarugas:

 Moi feliz cumple para todos/as e a celebralo cun pouco de música!!

LIBROS PARA O CURSO 2012/2013

Que tal van esas vacacións?

Esperamos que esteades disfrutando!

Hoxe traémosvos o listado de material para o próximo curso académico.

CUADERNILLOS 5º EDUCACIÓN INFANTIL CURSO 2012/2013

LIBROS DE LECTOESCRITURA:

-       -  LETRAS DE COLORES CON ENLACE INICIAL.

Editorial Santillana:

o   Lectoescritura 2 (versión pauta).

ISBN: 978-84-294-8782-4

o   Lectoescritura 3 (versión pauta).

ISBN: 978-84-294-9094-7

o   Lectoescritura 4 (versión pauta).

ISBN: 978-84-294-8902-6

MATEMÁTICAS:

-       -  APRENDO MATEMÁTICAS . Editorial Santillana:

o   Primer trimestre. 4 años. ISBN: 978-84-294-8457-1

o   Segundo trimestre. 4 años. ISBN: 978-84-294-8458-8

o   Tercer trimestre. 4 años. ISBN: 978-84-294-8460-1

INGLÉS

-        - Oxford playschool. A class book. Editorial Oxford.

  ISBN: 9780194734080 Ano: 2008

Se queredes descargar este listado nun arquivo para poder imprimilo, podedes facelo directamente clicando AQUÍ e levaravos á páxina web do centro.

Se tedes algunha dúbida, recordade que podedes poñervos en contacto con nós na seguinte dirección de correo electrónico:

cativadas.arteixo@gmail.com

MICA E PATO

Este curso tivemos un par de novos amigos que nos axudaron a aprender un montón de cousas.

 Incluso, acompañáronnos a cada un de nós ata as nosas casas.

Esta experiencia foi recollida nun libro viaxeiro.

E agora deixámosvos aquí as imaxes do que cada familia nos contastes sobre a vosa experiencia con Mica e Pato.

Moitísimas grazas pola vosa colaboración, que fixo posible esta enriquecedora actividade.

Superlibro da clase dos CARACOIS:

 

Superlibro da clase das XIRAFAS:

 

Superlibro da clase das TARTARUGAS:

 

 

Felices vacacións

Xa rematou o curso e tod@s @s profes queremos desexarvos unhas felices vacacións.

Pero non vos preocupedes que continuaremos actualizando este blogue con cousiñas varias durante todo o verán.

E, para comezar, aquí tedes unhas fotos de grupo do último día de cole.

Qué ben o pasamos!! Foi un día xenial!!

A Saia de Carolina

Moit@s de vós xa saberedes que unha das nosas cancións favoritas é A Saia de Carolina.

Traballamos con ela para a celebración do Día das Letras Galegas, pero a cousa non quedou aí xa que como resultou gustarnos tanto, decidimos facer a actividade que agora vos presentamos.

Buscamos uns pictogramas, coloreámolos, escribimos a letra da canción, cantámola e gravamos todo isto para que os demais poideses ver qué ben se nos da.

E aquí tedes o resultado. Esperamos que vos guste!!

A Saia de Carolina interpretada pola clase dos CARACOIS:

A Saia de Carolina interpretada pola calse das XIRAFAS:

A Saia de Carolina interpretada pola clase das TARTARUGAS:

Reunión coas familias

Este luns haberá unha reunión para informar de diversos detalles deste fin de curso, así como adiantar algúns aspectos do curso que vén.

Aquelas familias que non poidan acudir poderán manterse informadas a través do que vaiamos publicando neste blogue.

Primavera nos corredores

A semana pasada ensinámosvos o nosos traballos de primavera e hoxe tócalle a quenda á decoración de primavera dos nosos corredores.

Esta decoración primaveral foi posible grazas á colaboración das familias, estades feitos uns verdadeiros artistas!!

Mirade que bolboretas, xoaniñas e flores tan bonitas podemos ver polo noso cole...

Traballos de primavera

Xa case está chegando o verán e nós aínda non vos ensinamos os nosos traballos de primavera... qué desastre!!

Imos poñer solución a isto agora mesmo!!

Aquí vos deixamos unha presentación para que vexades cantas cousas primaverais fomos facendo para decorar as nosas aulas: flores, bolboretas, xoaniñas, paxaros, caracois...

Mirade que cousas tan chulas fixemos:

Lista de reproducción en youtube

Moi boas!!

Hoxe traémosvos algo distinto. Decidimos crear en youtube unha lista de reproducción recopilando os vídeos e cancións que máis lles gustan aos nos@s cativ@s para que, se queredes, poidades escoitalas tamén na casa.

Para ver esta lista de reproducción podedes buscar en youtube a nosa canle, ou podedes pinchar directamente neste enlace:
http://www.youtube.com/playlist?list=PL65863E578EB35CC5&feature=plcp

Un dos últimos vídeos que engadimos a esta lista foi este que lles axuda aos pequenos/as a repasar o nome das cores.
Procuraremos ir engadindo periódicamente novas cancións ou vídeos cos que traballemos nas clases.

Esperamos que vos guste!!

Excursión a Marcelle

O pasado luns 21 de maio por fin chegou o ansiado día da excursión de fin de curso.

O ciclo de Educación Infantil tivemos a oportunidade de gozar dun día inesquecible todos xuntos.

Xogando e cantando no bus pasouse a viaxe bastante rápido e chegamos ao parque zoolóxico de Marcelle onde nos acompañou un día bastante bo para facer unha excursión.

Vimos moitos animais coñecidos e descubrimos outros moitos que non víramos nunca.

Encantounos comer no chiringuito e colorear debuxos dos animais que acabáramos de ver.

Na viaxe de volta estabamos agotadísimos/as e moitos/as de nós quedamos durmidos.

Se queredes ver un resumo de todo isto.... Aí vos queda este vídeo!!

Esperamos que vos guste!!

Cumples maio

Achegámonos ao final do curso e traémosvos a estes cumpleañeiros/as que naceron no mes de maio de fai xa 4 anos.

Da clase dos caracois, Pablo F. e Rodrigo:

Da clase das xirafas, Enzo:

E da clase das tartarugas, Alex e Nekane:

Moitas felicidades a todos/as e a celebralo movendo o esquelete!!

Letras Galegas 2012

Temos un montón de cousas pendientes de contarvos e ensinarvos, así que preparádevos porque estes días haberá movemento polo blogue.

Comezamos por mostrarvos cómo celebramos no cole o Día das Letras Galegas.

Este ano adicouse ao autor Valentín Paz Andrade.

Todos os nenos e nenas do cole celebrámolo xuntos cantando e bailando ao son dun grupo de gaiteiros que nos deleitaron coa súa música. Incluso algunha profe se animou a acompañalos coa pandeireta!!

Aquí vos deixamos unha presentación de fotos para que vexades qué atentos/as estábamos e qué ben o pasamos.

Preparándonos para Marcelle

Os nenos e nenas levan semanas expectantes por unha excursión moi especial e por fin xa case chegou o ansiado día. Este próximo luns 21 de maio visitaremos Marcelle.

A entrada no cole será á hora habitual, ás 9:30, e o regreso está previsto para as 17:30. A esta hora as familias deberán esperar aos seus fillos á porta da súa respectiva aula, como de costume.

Aquí vos deixamos unha presentación na que podedes ver qué animais viven en Marcelle:

Aproveitamos para recordarvos que mañá é festivo debido á celebración do Día das Letras Galegas e que o venres é día non lectivo neste centro. Polo tanto a próxima vez que haberá cole será o luns, cando iremos de excursión.

Que disfrutedes da ponte!!

Unidos somos máis fortes

A entrada de hoxe é un pouco diferente ás que facemos habitualmente pero a causa merece a pena.

Onte pola tarde celebrouse no salón de actos do noso cole unha charla para explicarnos ó profesorado e ás familias en qué consiste a doazón de médula ósea, xa que estamos a vivir no noso entorno varios casos de nenos/as afectados por leucemia, e desta forma podemos prestarlles axuda.

Nesta ocasión quixemos apoiar a Manu, un neno de 11 anos que padece esta enfermidade e que está buscando un doador que sexa compatible.

Aquí vos deixamos unha nova en La Voz de Galicia e outra no Ideal Gallego que tamén fan referencia ó mesmo:

Arteixo se vuelca con un niño de 11 años que necesita un donante de médula

El ANPA del Arteixo se vuelca en buscar donantes de médula para un alumno - - El Ideal Gallego - Diario Gallego - Hoy en Galicia

 E se clicades aquí veredes á súa nai falando do caso.

Esta tarde explicóusenos detalladamente cómo é o proceso de doazón de médula ósea. Todas aquelas persoas que desexen entrar a formar parte do banco de doadores só precisan facer unha extracción de sangue para saber se existe algún receptor compatible. Se isto fose así, comezaría o proceso de doazón. Neste vídeo explícasenos con claridade en qué consiste todo isto:

Se clicades aquí poderedes visitar a web da Fundación Josep Carreras, onde atoparedes máis información sobre a doazón de médula ósea e sobre o REDMO (Rexistro de Donantes de Médula Ósea).

E se clicades aquí entraredes na páxina web de AEAL, a Asociación Española de Afectados de Leucemia.

Debemos reflexionar acerca do importante que é sensibilizarnos cara a doazón, tanto sexa de sangue, órganos ou, neste caso, a de médula ósea, xa que probablemente poucas veces nos paramos a pensar que temos nas nosas mans a posibilidade de darlle a outras persoas, coñecidas ou non, o regalo máis especial que se pode facer: a vida.

Mediante esta entrada do blogue queremos aportar un pequeno gran de area á causa de Manu e aproveitamos para enviarlle todo o noso apoio e cariño tanto a el como a súa familia e, por extensión, a todas aquelas familias que están pasando por unha situación semellante. 

Queremos rematar con enerxía positiva, así que vos deixamos a versión dunha canción actual, "What doesn't kill you makes you stronger" de Kelly Clarkson, realizada polos nenos e nenas da planta de oncoloxía do hospital de Seattle (Estados Unidos).
Todos somos Manu!!

Visítannos unhas mascotas

Hoxe celebramos que é o Día da Familia e, ademais de levarlles moitos bicos para as nosas nais, pais, irmás, irmáns, avós, avoas, tíos/as, curmáns..., tamén recordamos que as mascotas forman parte da nosa familia.

Por iso hoxe recibimos nas nosas clases a visita de dúas tartarugas un tanto sorprendidas por atoparse con tantos nenos e nenas. Foi unha auténtica sorpresa!! Coidámolas moi ben, así que seguro que lles gustará voltar outro día a facer outra visita.

Para que vexades cómo disfrutamos hoxe, aquí vos deixamos esta presentación...

E, para rematar, unha canción que cantamos moito últimamente xa que fala sobre algúns dos animais que pronto imos ir ver a Marcelle; entre eles, por suposto, as tartarugas:

Facendo unha macedonia

Fai pouco aprendimos cómo se fai unha macedonia e xa que nos encanta cociñar puxémonos mans á obra.

Os ingredientes da nosa macedonia foron: mazá, plátano, fresas, iogur e cereais.

Estaba riquííííííísima!!!

Nesta presentación poderedes ver á clase das xirafas facendo de cociñeiros/as, mirade qué ben se lles da:

Cumples abril

Pouco a pouco imos deixando atrás máis meses deste curso, neste caso o de abril.

E aquí vos deixamos as fotos dos cativos/as que cumpliron os 4 anos neste mes....

Da clase dos caracois, Vero.

Da clase das xirafas, Matías, Ximena e Antía.

E da clase das tartarugas, Fredo e Antía.

Moitas felicidades a todos/as!!

E como xa é tradición... un pouco de música para celebralo!!

Ata pronto, Salvia!!

Hola mis niños!!!

Me acuerdo mucho de vosotros y os echo muchísimo de menos… Todos los días os mando los besitos que os prometí y ¿sabéis que? Estoy muy contenta porque también a mi me llegan los vuestros! De chocolate, de fresa, de piruleta…  Muchas gracias por mandármelos!

Además tengo aquí en mi casita todos los dibujos y regalitos que me hicisteis, y los miro muchas veces. Me gustaron mucho!!!

Ya me contó un pajarito que os estáis portando muy bien en el cole, como chicos mayores!!!  Estoy muy pero que muy contenta por eso…

A vuestros papás, mamás, familias… decirles que agradezco muchísimo todo su apoyo, colaboración e interés para conmigo  en este curso. Os deseo lo mejor a todos  este tiempo hasta volver a vernos.

Siento que mi marcha fuera tan precipitada, y no haber podido despedirme mejor de todo el mundo, pero bueno, para el año volvemos a vernos, y a lo mejor antes, si puedo, procuraré ir algún día de visita!

Bueno tortugas, os quiero mucho y os mando muchos besitos, los más ricos del mundo!

Un besito también para las jirafas, los caracoles y todas sus profes!

Hasta pronto!

Con cariño,Salvia.