Cabazas para o Samaín 2013

Hoxe queremos amosarvos as cabazas que elaboraron as familias do noso alumnado para o Samaín 2013 que se celebrará o día 30 de outubro no noso centro.

Queremos agradecervos a vosa colaboración e, sobre todo, felicitarvos polo voso marabilloso traballo. Noraboa, sodes uns artistas!!

Proxecto "Os Dinosaurios": Continuamos traballando

Hai uns días que vos ensinamos as primeiras cousiñas sobre o noso proxecto dos dinosaurios. Hoxe traemos unhas cantas fotos máis para que comprobedes cómo imos traballando e avanzando neste proxecto. Esperamos que vos guste!!

Clase dos caracois

Na clase dos caracois construiron un dino xigante en cartón que quedou chulísimo!! 

E teñen un recuncho con mooooitas cousas sobre dinos que os cativos/as trouxeron da casa.

Clase das xirafas

Na clase das xirafas tamén fabricaron o seu propio dino para ambientar o recuncho cos materiais que trouxeron da casa. E ata fabricaron un meteorito!! Coidado, non vos vaia extinguir!!

Clase das tartarugas

As tartarugas fixeron de detectives para atopar agochada a mascota do seu proxecto. E, ademais de construir o seu propio dino, tamén fabricaron un volcán que ata entrou en erupción!! Qué perigo!!

Contacontos Biblioteca Central "Henrique Rabuñal"

Aulas Abertas 2013: Xuntanza para nais e pais: As tarefas escolares na casa

Proxecto "Os dinosaurios": comezando co proxecto

Xa sabedes que este primeiro trimestre estamos a traballar nun proxecto que nos axudará a aprender moitas cousas sobre os dinosaurios.

Como sempre, pedimos axuda ás familias para que aportárades o que tivesedes pola casa sobre este tema. E dende aquí queremos aproveitar para agradecervos a vosa colaboración e implicación.

Nesta entrada de hoxe empezaremos a amosarvos algunhas imaxes sobre cómo deu comezo este proxecto en cada unha das clases. En posteriores entradas poderedes ir vendo cómo avanzamos no noso traballo.

Esperemos que vos guste!!

Clase dos caracois

Clase das xirafas

Clase das tartarugas

Cumples desta semana: Sheila, Laura e Mara

De novo tivemos celebración nas diferentes aulas ao longo desta semana pasada.

Nesta ocasión festexamos un cumple en cada unha das clases, así que... comezamos co repaso e as súas correspondentes felicitacións!!

En primeiro lugar, o 1 de outubro foi Sheila da clase das tartarugas a que cumpliu 5 anos. Soplamos a vela nun biscoito súper chulo!! Moitas gracias, Sheila!!

SHEILA

Ao día seguinte houbo festa na clase das xirafas, nesta ocasión foi Laura a cumpleañeira. Estaba pletórica de alegría, non é para menos... 5 anos non se cumplen tódolos días!! Moitas felicidades!!

LAURA

E para rematar a semana celebramos o cumpleanos de Mara, da clase dos caracois, que tamén se une ao clube dos 5 anos. O biscoito con chocolate ao que nos convidou estaba riquísimo!! Feliz cumple!!

MARA

NOTAS INFORMATIVAS

Tal e como faciamos durante o pasado curso, continuaremos colgando aquí as notas informativas que os cativos/as levan para casa. Así poderedes consultalas no caso de que se perdan, extravíen ou deterioren.
Na columna da dereita hai un enlace permanente no que, se picades, poderedes acceder a esta entrada.

25.03.2014 - Aviso de piollos
20.03.2014 - Asemblea informativa anpa
21.02.2014 - Nota suxerencias para carnaval
24.01.2014 - Autorización excursión Casa das Ciencias - Planetario
23.01.2014 - Petición de carpeta de fundas
12.12.2013 - Festival de nadal 2013
12.12.2013 - Queridas familias - peticións varias para nadal
27.11.2013 - Acendido luces de Nadal
22.11.2013 - Participación no "Nadal solidario 2013" de Arteixo
21.11.2013 - Petición de material para adorno de nadal
12.11.2013 - Día da bicicleta
07.11.2013 - Contacontos contra a violencia de xénero  
23.10.2013 - Autorización pintar a cara
18.10.2013 - Material para inglés
18.10.2013 - Celebración Samaín e Magosto
02.10.2013 - Aviso de piollos

Cumple desta semana: Adrián

Unha semana máis tivemos que celebrar que un dos nosos cativos cumpliu os 5 anos.

Nesta ocasión foi a quenda de Adrián, da clase das tartarugas.

O pasado mércores Adri convidounos a rico biscoito de chocolate, moitas grazas!! 

E moitas felicidades para el!!

ADRIÁN

Mesa redonda sobre a LOMCE

O xoves 26 ás 19:00 horas no Auditorio do CCC de Arteixo terá lugar unha mesa redonda que pode resultar do voso interese, sobre a nova lei educativa: a LOMCE.

Cumples celebrados esta semana: Marta, Sofía, Ariadna, Daniela e Paula

Sen dúbida, esta semana foi de celebración na clase das xirafas. 

Nada máis e nada menos que 5 nenas celebraron o seu cumpleanos.

Dous destes aniversarios xa os felicitáramos neste blogue porque se tratan de dúas nenas que cumpliron anos no mes de agosto. Pero como nese tempo non tiñamos cole, non o puideran celebrar cos seus compis, polo que decidiron convidalos a biscoito esta semana. Así que... moitas felicidades para Marta e para Sofía!!

MARTA

SOFÍA

Por outra parte, houbo outras tres nenas da clase das xirafas que cumpliron anos nestas primeiras semanas de setembro e tamén decidiron celebralo xuntas. Nesta ocasión trátase de Daniela (que cumpliu a comezos deste mes) e de Ariadna e Paula (que os cumpliron esta semana). E elas tamén nos convidaron a rico biscoito para celebrar os seus 5 anos, moitas felicidades a todas!!

DANIELA

ARIADNA

PAULA

Cumples desta semana: Sergio e Sira

Este curso trae novidades en canto á celebración dos cumples. 

Ao contrario que o curso pasado, este ano os cumpleanos celebraranse o mesmo día que cumpla o neno/a e non de forma mensual, tal e como viñamos facendo.

Por outra parte, no blogue iremos felicitando semanalmente a aqueles que estivesen de cumple, desta forma non terán que esperar a fin de mes para poder ver as fotos dese día.

Así que rematada a primeira semana do curso xa podemos comezar coas felicitacións.

Nesta ocasión houbo festa na clase das tartarugas, xa que nada máis empezar o curso celebramos o cumple de dúas tartarugas: Sergio e Sira. Os dous cumpliron 5 anos o día 10 de setembro, vaia coincidencia!!

Moitas felicidades para os dous!!

SERGIO

SIRA

COMEZO DO NOVO CURSO 2013-2014

CUMPLES AGOSTO

Remata xa outro mes do verán e dende Cativadas de Arteixo seguimos tendo presentes aos que cumpliron anos durante este mes de agosto.

Por iso queremos felicitar por ter cumplido 5 anos a...

Fátima e Zoe da clase dos caracois:

Marta, Sofía e Sofyan da clase das xirafas:

Diego e Lamyae S. da clase das tartarugas:

Esperamos que disfrutárades moito do voso cumple e, agora, a celebralo con música!!

FIN DE CURSO 2012-2013

Quedan poucas semanas para dar comezo a un novo curso académico pero, mentres tanto, seguimos botando atrás a ollada para recordar algúns momentos do curso que xa rematou.

Nesta ocasión queremos amosarvos unha montaxe de fotos da actuación de fin de curso.

Tamén temos gravado un vídeo do baile para que poidades ver qué ben o fixeron os cativos e cativas, pero por motivos de privacidade non o podemos publicar neste blogue (xa que non temos a autorización de todos @s menores que se poden ver nel). Polo tanto, se algunha familia está interesada en ver de forma privada este vídeo, que se poña en contacto coa titora cando comece o curso.

Mentres tanto, para ir abrindo boca, aquí tedes estas imaxes da actuación.

Esperamos que vos guste!!

CUMPLES XULLO

Durante as vacacións non nos queremos esquecer de felicitar aos cativos e cativas que cumpliron anos durante este mes que hoxe remata, así que imos aló!!

Da clase das xirafas, cumpliu 5 anos Sara:

E da clase das tartarugas temos que felicitar a Irene, Sofía, Óscar, Javi e Uxía:

Moitísimas felicidades a todos e todas!!

Un pouquiño de música para celebralo!! 

Visita a Casas Novas

Unha das últimas saídas que fixemos no curso 2012-2013 foi para coñecer as instalacións de Casas Novas (Arteixo).

Alí aprendemos moitas cousas sobre os cabalos, os seus coidados, a súa alimentación...

Tivemos a oportunidade de coñecelos de primeira man, tanto aos cabalos como ós ponis.

Nestas presentacións de fotos poderedes ver cómo foi esta excursión, que tivo lugar en dous días diferentes: o 21 de maio foi a clase das xirafas e o 23 de maio, as clases dos caracois e das tartarugas.

Esperamos que vos guste!!

Clase das xirafas

Clases dos caracois e das tartarugas

REVISTA REGO DA AUGA 2012-2013

O Equipo de Dinamización da Lingua Galega do noso centro edita todos os anos a revista "Rego da Auga", a modo recopilatorio do acontecido durante o curso.

Este ano, por primeira vez, esta revista edítase en formato dixital.

Se estades interesados/as en consultala, picando enriba da imaxe levaravos á páxina web do centro, onde atoparedes os enlaces para poder descargala.

CUMPLES XUÑO

Rematado xa o curso, non imos perder os bos costumes. Así que como hoxe remata xuño, toca felicitar aos nenos e nenas que cumpliron anos este mes, tal e como viñemos facendo ata o de agora.

Comezamos pola clase dos caracois, onde cumpliron anos Pablo B., Sabela F., Sabela F.F., e Jorge:

PABLO B., SABELA F., SABELA F.F. e JORGE

Da clase das xirafas cumpliron 5 anos Marco e Ariadna E.:

MARCO e ARIADNA E.

Da clase das tartarugas este mes estiveron de cumple Carlota e Anxo:

CARLOTA e ANXO

E, coma sempre, un pouco de música para festexar que os nosos cumpleañeiros e cumpleañeiras xa teñen 5 anos. Moitísimas felicidades!!!

LIBROS DE TEXTO 2013-2014

Queridas familias, lamentamos informarvos que hai un pequeno erro na lista de libros de texto que vos entregamos. Hai un número no ISBN do primeiro libro que non é correcto, por iso decidimos publicar aquí a lista correxida para evitar confusións.

Polo tanto, os libros de texto (cuadernillos) para o próximo curso 2013-2014 son:

NUBARIGENIOS MATEMÁTICAS EN ACCIÓN  (Editorial Edelvives)

PIENSA CON ARIS (3 TRIMESTRES)

1º trimestre - ISBN: 978-84-263-8830-8
2º trimestre - ISBN: 978-84-263-8831-5
3º trimestre - ISBN: 978-84-263-8832-2


Para descargar esta información para imprimir, picade AQUÍ

LETRAS GALEGAS 2013

Si, estamos rematando xuño e a estas alturas temos pendiente amosarvos cómo foi a celebración das letras galegas, así que non imos demorar máis!!

Este ano adicouse esta celebración a Roberto Vidal Bolaño e, no noso centro, fixemos un acto no que os nenos e nenas fixeron lecturas sobre a vida e obra do autor e, a continuación, disfrutamos dunha actuación de pandeireta e baile galego. Aquí tedes algunhas imaxes:

FELICES VACACIÓNS

O cole xa rematou pero en Cativadas aínda non poñemos o cartel de "pechado por vacacións".

Esperamos ter tempo estes días para amosarvos algunha cousiña que nos quedou pendente deste curso.

E, mentres tanto, esperamos que tanto nenos, nenas como familias teñades unhas moi felices vacacións!!

BELELLE: vídeo dos mellores momentos

Aínda nos quedaba unha última cousa que amosarvos sobre a excursión a Belelle: trátase dun vídeo que recopila algúns dos momentos da viaxe. Lamentamos non poder ter gravado a tod@s os nen@s en todos os obradoiros, pero aínda non dispoñemos dos suficientes "medios técnicos" para facelo... De todas formas, parecíanos que estaría ben amosarvos estes anacos de vídeo que temos, xa que pode ser un bonito recordo. Esperamos que disfrutedes e que vos guste!!

PROXECTO PINTORES: Cadro colectivo

Xa vos contáramos que este trimestre estamos a traballar no proxecto dos pintores. A clase dos caracois está aprendendo cousas sobre Kandinsky, a clase das xirafas, sobre Andy Warhol e a clase das tartarugas sobre Joan Miró.

Fai varias semanas que pedimos colaboración das familias para facer entre todos/as un cadro colectivo sobre cada un dos pintores e, hoxe, imos amosarvos o resultado, que foi espectacular.

Queremos aproveitar dende aquí para felicitar a todos aqueles país, nais, tíos, tías, avós, avoas... que axudaron aos cativ@s a traballar na súa parte do cadro, xa que o nivel de implicación resultou maravilloso, o que contribuiu a que a actividade fose enriquecedora para todos e todas. E, como non, temos que agradecervos todo o voso traballo e colaboración para facer isto posible.

Así que agora toca ver as obras de arte... comezamos!!

Clase dos caracois: CÍRCULOS CONCÉNTRICOS (Kandinsky)

Mirade o proceso de elaboración:

Clase das xirafas: THE CAMPBELL'S SOUP (Andy Warhol)

Aquí vedes cómo se foi compoñendo esta "lata":

Clase das tartarugas: MUJER, PÁJARO Y ESTRELLA (Joan Miró)

A montaxe desta obra foi así:

BELELLE: outros momentos da excursión

Rematamos as entradas sobre Belelle coa última entrega sobre a excursión de fin de curso.

Xa vos amosamos o que fixeron os nenos e nenas nos diferentes obradoiros dos que disfrutaron durante a mañá e, nesta ocasión, traemos imaxes doutros momentos da xornada: a chegada á granxa, a hora da comida, o camiño de volta, as siestas no bus...

Esperamos que vos guste este vídeo e que tanto este coma os demais axuden aos cativ@s a recordar qué ben o pasamos aquel día:

BELELLE: Obradoiro de peiteado de ponis

Nesta ocasión traemos o último dos obradoiros nos que participaron os nenos e nenas: o peiteado de ponis.

Durante a excursión non só tiveron a oportunidade de montar en poni, se non tamén de aprender qué coidados precisan. Entre eles, o peiteado diario, do que se encargaron os nosos cativ@s.

Aquí o podedes ver:

BELELLE: Obradoiro de mamíferos

Hoxe, de novo, voltamos con outra entrega sobre a excursión de fin de curso.

Nesta ocasión podedes ver canto disfrutaron os nenos e nenas no obradoiro de animais mamíferos.

Coñeceron a forma de vida de ovellas, años, vacas, tenreiros, coellos, cans, monos... un montón de animais que fascinaron aos cativ@s.

Aquí podedes ver cómo foi esta experiencia:

BELELLE: Obradoiro de horta

Aquí tedes outro capítulo máis sobre Belelle: o obradoiro de horta.

Os nenos e nenas tiveron a oportunidade de coñecer cousiñas sobre como se cultivan diferentes tipos de plantas e incluso plantaron unha semente de chícharo para levar para casa.

A continuación deixámosvos con un resumo sobre cómo o pasaron neste obradoiro:

BELELLE: Obradoiro de cociña

Traemos hoxe o segundo capítulo sobre Belelle: o obradoiro de cociña.

Os nenos e nenas aprenderon cómo se fai o pan e ata o amasaron eles mesmo/as.

Nesta presentación de imaxes podedes ver canto disfrutaron!!

 

CUMPLES DE MAIO

Levamos xa uns días de xuño e aínda non felicitamos aos cumpleañeiros/as do mes pasado, así que... mans á obra!!

No mes de maio cumpliron 5 anos: Pablo F. e Rodrigo da clase dos caracois, Enzo da clase das xirafas e Nekane e Alejandra da clase das tartarugas.

Moitísimas felicidades para todos e todas!!!

CLASE DOS CARACOIS

 PABLO F. e RODRIGO

CLASE DAS XIRAFAS

ENZO

CLASE DAS TARTARUGAS 

NEKANE e ALEJANDRA

E, para non perder o costume, un pouco de música para celebrar os cumples!!

BELELLE: Obradoiro de montar en poni

Tal e como vos prometéramos, aquí temos as fotos de fin de curso.

Imos ir amosándovolas pouco a pouco. Foron moitas cousas as que fixemos aquel día, así que temos que ir por partes.

En cada entrada desta serie sobre Belelle poderedes ver cada un dos obradoiros nos que participamos (montar en poni, cociña, horta, mamíferos, aves e peinado de ponis), así como tamén outros momentos da excursión.

Hoxe comezamos por recordar unha das experiencias da que máis disfrutaron os nenos e nenas: montar en poni. Nesta presentación de imaxes poderedes ver a tod@s montados como xinetes!!