Por fin temos listas todas as fotos e vídeos do entroido e cremos que a espera valeu a pena!! A continuación deixámosvos 3 vídeos: os dous primeiros son unha presentación de fotos e o último é un video-montaxe da festa de entroido. Desexamos que vos gusten!!
Comezamos coas imaxes do desfile de disfraces. Aquí podedes ver aos "Gatos con botas" desfilando e bailando ao ritmo de "Miau, miau, miau":
Continuamos cunha recopilación de imaxes de diferentes momentos da xornada: contemplando o desfile dos compañeiros, facendo o pasarrúas, comendo postres típicos de entroido (Que bos estaban!! Moitas grazas ás familias pola vosa colaboración!!), ...
E rematamos con este vídeo-montaxe onde nos poderedes ver a todos e todas disfrutando a tope deste día:
NOTA: como xa saberedes, para poder publicar neste blogue as imaxes dos nenos e nenas é necesaria unha autorización específica por parte dos pais/nais/titores. Esa é a razón pola que intentamos evitar, cos medios que temos, que os nenos e nenas que non son de 5º de Edu. Infantil saian nestas fotos, xa que non temos a autorización expresa das súas familias. Por este motivo non podemos facer públicos, por exemplo, vídeos do desfile nos que se ven a outros nenos/as que non son de 5º de Edu. Infantil.
Tal e como vos contamos na anterior entrada, durante esta semana cada día debíamos traer unha cousa diferente para disfrazarnos. A verdade é que foi unha semana moi divertida e este foi o resultado:
CARACOIS
XIRAFAS
TARTARUGAS
E como mañá disfrazámosnos do "Gato con Botas" deixámosvos esta canción para ir abrindo boca...
O entroido está chegando e cada día desta semana o Meco daranos unha consigna para vir disfrazados/as. Así que para saber o que toca cada día, consultade este taboleiro:
Como xa sabedes, o mércores 30 de xaneiro conmemoramos o día da Paz.
Todos os nenos e nenas do colexio xuntámonos para celebrar este día.
Como podedes ver na presentación de fotos, reunímonos no pavillón do colexio para que cada ciclo cantase unha canción da Paz. O ciclo de Educación Infantil interpretamos a "Cantarela dos nenos".
Ademais, durante toda a semana, elaboramos unha serie de normas de convivencia dentro do centro, que servirán para que a paz non sexa cousa só dun día, senón para que estea presente sempre. En Educación Infantil traballamos sobre qué normas debemos seguir cando imos polos corredores do cole. O resultado foi este:
E, para rematar, tal e como prometéramos, realizamos entre todos un enorme lazo da paz: